شيهانتي روفي ترى الحال مسلول

مهما حصل منك الجفا قلت مقبول
اصبر وانا دمعي على الخد سايل
فيك الرجاء يا بنت الأجواد مأمول
وعن غير حبك ما بغيت البدايل
يالغالية في غيبتك صرت مشغول
ضايق وودي منك لو هو رسايل
لا تتركيني يابعد زولي الزول
حيثك اصيل ومن بنات الحمايل
صار الفرح في دنيتي شي مجهول
وصارت همومي في غيابك هوايل
ودي بوصلك يا حياتي على طول
لا تقطعينه في جميع الوسايل
يالغاليه في قربك همومي تزول
يا منيتي من بين كل الأصايل
يا دنيتي معك الفرح دوم موصول
وغلاك في قلبي مسوي عمايل
معقول يا عمري! تجاهلك معقول!
وانتي تشوفين الغلا والدلايل!
كانه تغلي يا منى الروح مقبول
يا خوف قلبي يطلع الحظ مايل
شيهانتي: روفي ترى الحال مسلول
لا تذبحي حراً من عيال وايل