تاريخك ابيض يا وطن

يا وطن تاريخك ابيض واحتفو به
يوم ابو تركي زهى المجد وزهابه
انتهض صقر الجزيره واعتزو به
اتكل بالله وكبّر والتجابه
انطلق صوب الهدف والمجد صوبه
يعرف إن الدار ملت من غيابه
قال للستين هيا وانتخو به
للمسير مجهز خيرة إركابه
سار ركبه والنشاما حظبوبه
الهدى مبداه والتقوى زهابه
المكان اللي تخير نوخوبه
أول المشوار في نجد ابتدابه
يوم وصل أهل الرياض استبشروبه
بعد ليل ليل أظلم وش جرابه
صولةٍ حلت على الشر ورموبه
وانتهى حلمه ومن سن انتدابه
ارتفع صوت المنادي وإجهروبه
الله أكبر بالسؤال وبالإجابه
واستلم عبدالعزيز وأمنوبه
رددها راعي العوجا هلابه
الوطن وحّد حدوده وسكنو به
فيه يا من راعي الذود ورعابه
واجتمع شمل مشتت واعتنو به
وانتهى دور التناحر والحرابه
دولةٍ صارت قويه ومهيوبه
الجهل عنها رحل وأعلن ذهابه
حل فيها الخير والظلم أبعدوبه
المواطن عاش بالأمن وحظابه
من مثل عبدالعزيز لياحكوبه
رحمةٍ لناس رب الكون جابه
يالله إنك تمنحه جزل المثوبه
يا ولي العرش دعوه مستجابه
مهدي بن عبار