شيخ رفع هامة التاريخ بفعاله

خيم ظلام الحزن والليل ياطوله
في ليلة حزنها كشر عن انيابه
الدمع فوق المحاجر سرج خيوله
والحزن فوق المحاني نوخ ركابه
رحيل فهد العروبه ياكبر هوله
غاب وعسى الله يصبرنا على غيابه
جموع الاسلام من فرقاه مذهوله
كل يعزي به وكل يعزا به
مرحوم يااسطورة تختال بفصوله
كل العناوين والمجد يتغنابه
شيخ رفع هامة التاريخ بفعوله
خلا سطور الفخر والمجد تزهابه
له سيرة بالحضاره شيدت دوله
ماجت على غدر وخيانات ونهايه
دوله فخر دونها الاشناب مفتوله
ياويل منهو عليها يفتل اشنابه
ونبايع القايد اللي كلنا حوله
عبدالله وكل مايرضيه نرضابه
على كتاب الله وشرع الله وقوله
وبهدي خير البشر وبسيرة اصحابه
يمشي بنهج السلف ويجدد فصوله
والشعب في قلبه وعينه وباهدابه
همه على خدمه الاسلام وفلوله
للي يخون الوطن ويدنس ترابه
وعلى اليمين اللي له صوله وله جوله
سلطان وان جا الكرم والعز يحتاجة
هذا ابو خالد وكل الناس عنوله
هلا بولي العهد والمجد هلابه
الله يعز الوطن واللي تعزووله
اللابه اللي ولابه مثلهم لابه