صوت الصورة:

يا ويل من صابه الصاروخ
من عالي الجو نزَّالي
المشكله كان ليه أفروخ
لازم يبي عيشة أعيالي
عبدالكريم عبدالرحمن السلوم - القرائن
واهني الصقار في صيد الحباري
لا حصل حرّ يحقق ما يريده
لا نوى الصيده يجيبه ما يداري
وتاجد الصقار في حاله سعيده
محمد بن عبدالعزيز الخنيفر - أشيقر
العقاب اللي تعلى في سماه
أنصرم منقض ناوي للفريس
مطلق الجنحان والمقدم رماه
قابض المخلاب وأطرافه مسيس
صالح عبدالعزيز السويح - روضة سدير
يا طير يللي بالسما تدرج الحوم
يمَّ الفضا لاشفت ماعفت ترقا
أرض وسما دارك بلا حد وإرسوم
جنوب وإلاَّ أشملت غرب وشرقا
فهد بن عقيل الطويان - بريدة
يا طير من قدك تطير بجناحك
وتوبِّد الصيده وعينك عليها
ولا زان مرماها وصارت تحاذيك
حذقت جسمك والمخالب تجيها
عبدالكريم النغيمشي - الربيعية
يا طير قلي بس هاويٍ على ويش
الطير لا منه لفى يترك الحوم
عز الله انك بالسما تنفض الريش
ليا صرت ضايقٍ من زمانك ومهموم
عقاب بن مقيان العتيبي
الجمش
الطير يوم إنه رقى بالمعالي
يفرد جناحه بالسما ويتباها
يدير بانظاره جنوب.. وشمالي
وهو يبي له حاجة ما لقاها
علي رشيد الرشيد - رياض الخبراء
من فوق هام السحب حولت مشتاق
تبي الفريسه يوم شوفك نظرها
لك مخلب ضاري على قطف الأعناق
كم صيدة مخلا بك أدمى نحرها
خالد بن ناصر المخيمر - روضة سدير
الطير حوّل من المرقاب
يبي العشا شاف له صيده
مدري صقر.. أو فرخ.. أهو عقاب
من عش الأحرار يا جيده
زبن مقبل العنزي - بريدة
سلام مني للرجال العربيه
وأخص أهل صفحة خزامى الصحاري
للطير وسط الجو سطوه رهيبه
وللموت في كفه وسوم ومواري
محمد عفار المطيري - عنيزة
يا رقيب الجو يا مخاوي متونه
يا حداد الشوف والصيدة قنصها
لابغيت الوصف حال الحرف دونه
خوفتي من قال في وصفه نقصها
سعد الحماد - روضة سدير
طيراً يحوم.. وطير ما يقدر الحوم
طيراً يطير.. وطير ماله مطيري
وعين تنوم. وعين ما جالها النوم
تنظر سراب وتحسب إنه غديري
شجعان سعود المقاطي - الرياض
نستقبل مشاركاتكم الشعرية حتى مساء الاثنين
على الفاكس رقم 4871070أو الإيميل الخاص بالخزامى khozama@alriadh.com زاوية: (صوت الصورة).. ويا هلا.