صوت الصورة

أنا اشهد انك حر يافرخ الاحرار
يافادر الجنحان فوق الفريسه
الا حصل مقناص قرم وصقار
نتبع هوى القرناس برض ونيسه
سعد الحماد - روضة سدير
حول على ابرق الريش
ماعاد انا عنه متخفي
خلى الجناحين مفاريش
والذيل بالأرض ما يرفي
سبيتان بن شرار العنزي - بريدة
يا راعي الحر طيرك بان
عجل قبل تخرج الصيده
وقع عليها اشقر الجنحان
ماعاد تفلت من مخاليبه
عبدالكريم عبدالرحمن السلوم - القرائن
ياطير ياللي صايد لك حبارى
انا اشهد انك صايداً لك ثمينه
حراً اصيل ومرجعه للحراري
ماجاب صيده غير مخلب يمينه
عبدالله مذكر المطيري - الرياض
يا ابرق الجنحان يا سيد الجو
ياملهم الشعار حلو القصايد
اشوف الحبارى تحت رجليك بالدو
فرحة الصقار دايم عوايد
سعود عائش الحربي - القاهرة
ما يرود ولا يسود الا الحرار
مذهلات الجو بالفعل الخطير
مرديات الحايمه ما من فرار
مدركات الطير حزات المطير
صالح عبدالعزيز السويح - روضة سدير
الصيد ولعه والقنانيص يدرون
والطير يعجب صاحبه يوم هده
لاشاف زول الخرب يصيبه جنون
احكم عليه بقبضته ثم شده
خالد بن ناصر المخيمر - روضة سدير
اليا قصرت مخاليب الطيور الثانيه عن صيد
انا الحر النداوي والعشا من ضرب مخلابي
متى الصقار ما ارسل لي سبوقي صار يومه عيد
مدح فعلي الصقاقير النشامى يوم يحابي
عبدالعزيز بن عبدالله البواردي - شقراء
الصيد يبغى حراراً تفعل افعالك
ياجعل كل الطيور الشقر يفدونك
دايم على هقوة القناص لاشالك
حراً تجيب العشا للي يهدونك
عودة عقلاء العنزي
للصيد طير وللمقانيص صقار
والخرب صيداً ما يفور سمينا
شهب الحبارى نقتفيها بالحرار
هد الحرار تصيد صيدك ثمينا
صالح بن سعد - الرياض
منظر جميل بالخزامى رأيته
طير الهدد على الحبارى تعلى
الحر الاشقر مكسب لاشريته
خلاك من طعم الثنادي تحلى
حمد عبدالله الوايلي - حوطة سدير
اشك في صيدتك يا طير
من اول الوقت صايدها
ولا ذبحها واحدن غير
بالله من وين انت فايدها
شجعان بن سعود المقاطي - الرياض
الخرب حول به من الجو قرناس
من كف وحش ما توجب فطايس
زكاه للي يحترونه من الناس
الطير ليمن هد جاب الفرايس
سعود بن عبدالعزيز الهزاع - نعام
شفت الحبارى اللي على البال مضمون
هذه حقيقه باقي العلم تلقاه
قام ا لتحدي بيننا قلت ما تهون
ياقر عين اللي تشوفه وتنصاه
خليف الحربي - الرياض
على الحبارى الحر وقف نفسها
يازين شوفه لابدا بانقضاضه
ولا يهتني الصقار حتى كسبها
بمخالب مع قوة وايضاً انتفاضه
محمد بن عبدالعزيز الخنيفر - اشيقر
لا واهني اللي مع البر دواج
والطير في كفه على جيب فكسار
طيراً ليا حول على الخرب مزلاج
انا اشهد انه منوه الكل صقار
فهد المخلفي - قصر ابن عقيل
انا اشهد انك تسر البال يالصقر شيهان
صيدك ثمين وصاحبك ما شكى الجوع
تحو حول الصيد كأنك بميدان
تلعب بخصمك لين يركع على الكوع
علي بن معاضة - الرياض