متفرّد

والله من الظلم تشبيهك بغيرك
إنت متفرّد عن العالم لحالك
تستثير الخلق ماحيٍ يثيرك
ولاتلام الياستغرّيت بدلالك
النسا لو تجتمع من حول بيرك
كلهم ما جوّا خصله من جمالك
ياكبر حظّه من اللي صار أميرك
عاش في نعمه عظيمه في ظلالك
ما ألوم القلب لو يتبع أثيرك
ولا ألوم العين كل ليل اتعنالك
من نظرته بس نظره صار أسيرك
لو مقاليد الحكم له صرت مالك
له وسيّرته على رغبة مسيرك
واستحلّيته ويصبح من حلالك
والله من الظلم تشبيهك بغيرك
إنت متفرّد عن العالم لحالك