الحظ

يقولون من صبره طويل يشوف مناه
وأنا اشوف عكس اللي صبرت وتمنيته
اغبط الحظيظ اللي حظوظه على مشهاه
ماهوب يترجاها رجىٍ عقب تنهيته
قضيت الزمان اللي مضى بين (خير وهاه)
ولا يوم لباني ولا يوم لبيته
تحد الحياة معرب الساس لين أقصاه
وتضحك مع اللي ما تدل العرب بيته
يضيق الفضا بعيون أبو طروقٍ مخلاه
وتوسع دروب مقلدٍ (ساره وصيته)
هذا الوقت الاقشر ما عرفنا وش اللي جاه
تتقوا عواريفه وبانوا سرابيته
عسى الله يستر كل عاقل ولا يبلاه
على العبد دايم يطلب الله تثبيته
من المستحيل الذيب الامعط يعود شاه
لكنه يتحمل جور وقته و تشتيته
يمر الرجل بعض المتاهات في دنياه
ويخارجه من يحيي الأوادم وهي ميته
فلو بيتعدل حظي الشين يابوي ياه
تعدل كثر ما حب يده وناصيته