اللغز حله ترى التلفاز وبقوه أقول شكراً لعادي واقبل علومي

لغز الأسبوع كتبه معد الزاوية ويقول:
يا ويش رجل قوي الوجه ومفوه
رجل به الشر هو والخير مقسومي
الحرف الاول مع الثاني به القوه
سبعيني العمر ما هو تو مفطومي
وثالث ورابع نهض من مجلسه توه
وماني لتوضيح باق اللغز ملزومي
ولم يتوصل للحل الصحيح سوى ثلاثة رماعين:
حبيت أشارك بحل اللغز وأنوه
إن الخزامى عليها يشرف قرومي
رجال فيهم صفات الطيب ومروه
زودٍ على العقل مع زينات العلومي
واللغز حله ترى التلفاز وبقوه
أقول شكرا لعادي طيب القومي
صالح عبدالله الزرير التميمي - الرس
ارسل سلام (ن) يكفي عن كل عنوه
للكل وأخص الكرام القرومي
ربع الخزامى للمتابع هم نقوه
بين الجرايد سابقه بالعلومي
والحل عندي هو وكاد ما هو حروه
تلفزيون(ن) يبعد عنك الهمومي
صالح بن إبراهيم السنيدي - الحريق- الوشم
ابو رجا ركب بيوت على اوه
يا مرحبا به كل ليل ويومي
الحل تلفاز وعشنا بجوه
ينقل لنا اخبار وشي لزومي
علي الرشيد - رياض الخبراء
لغز الأسبوع
كتب لغز الأسبوع الشاعر عيد الفاران من حايل ويقول:
انشدك عن رجل عزيز ومحبوب
رغم أن طبعه شرس ما فيه رقه
له بنت فيها وصفوا كل رعبوب
بنت تجيب العلم في كل دقه
ثالث وثاني حرف ما هو مرغوب
قضى عليه الدين وانهى ملقه
وثالث وثاني واول حروفه عذوب
يدله به المحزون دقه ودقه