كتب بيت الأسبوع الماضي غنة العطاوي والذي يقول: ياهل الشعر واهل المثايل والابداع ترى القصيد الجزل مثل الامانه والأروع الأصداء الجميلة لهذا البيت: للشعر ميزه والمثايل لها اسماع كل ٍ على ذوقه وفكره وشانه احد ٍ على جزل القصايد له ذراع يكسب نعم وصحة الله لسانه واحّد ٍ بشعره نثر ولحونه امزاع واللي يصفق له بالامداح خانه الشعر فن وذوق وبحوّره انواع والفاهم النقاد والجزل صانه مشعل بن صنت العصيمي- الخرج لازم نؤدّيها بمختْلف الاوضاع والشعر ما احد يغتني عن بيانه من تابعه يلقى ميادينه وْساع تستشهدِ بْه اهل الفكر والذهانة لا يُكتب الّا ان كان للكَتْبة اسناع بلا سنع كلٍّ يجوّد لسانه والشّعر حفظٍ للغة، ما ذِكِر ضاع لسان قومٍ والشّعِر له مكانة قالوا وراحوا، والذي قالوا يْذاع محفوظ في كتبه ومرفوع شأنه محمد المقحم - الرياض بعض القصيد يعالج لبعض الاوجاع وصفة طبيب خبرته من زمانه بلسم جروح اللي من الوقت ملتاع يازين لامنه لفى لك باوانه اهيم فيه وفيه اعيش اجمل امتاع والا ترى بعض الشعر طقطقانه عيد فريح الفاران - جبه ان ما اقنع القصيد لاحساس وامتاع ما ظنِّتي لِه بالشعر أي خانَه خصايصٍ لهل القوافي بالاجماع خصايصٍ موروثةٍ كا لامانه يظهر بَها راس المثايل او القاع عسى بها للكل شرحٍ وابانه سعود عائش الحربي- جدة الشاعر المبدع يجي منه الامتاع ويصير له شهره وهو في زمانه والبيت لامنه بغى جاه منصاع هو مصدره بالوصف هو ترجمانه لكن ترى ما كل شي(ن) له يطاع مثله مثل من يحملون الأمانه سليمان بن عبدالعزيز السنيدي صحيح بعضه ذايع ومنتشر شاع راعيه راحل وباقي في مكانه منقوش بين الناس وبيبانه وساع ثابت ومعروف وكامل بيانه من قوته مخطور يهد صم الأضلاع يبقى على مر الدهر من زمانه ويضرب به الأمثال في كل الأطباع خالد مخلد ماخذله ضمانه حمد عبدالله الوايلي - حوطة سدير بيت الاسبوع كتب بيت الأسبوع للصفحة الشاعر سليمان بن عبدالعزيز السنيدي والذي يقول: الهاتف الثابت غدا مثل الاموات من عقب جا الجوال وانهى حياته نستقبل صدى البيت خلال ثلاثة ايام من نشر البيت المطروح على إيميل الصفحة: [email protected]
