كان لغز الأسبوع الماضي من طرح الشاعر نواف هايف الجبرين من الرياض ويقول: ياويش ضو غاب وغيابه غياب غيبه ابد ماهوب يرجع للاظهار اول وثالث حرف يجلي للاتعاب وثاني وثالث حرف في وسط الابحار له سيرة عطره وله مجد واحباب وله بنت فوق السحب واخواتها كثار وكانت رمعات اللغز من الشعراء: سلام يا نواف حب وترحاب وأهل الخزامى عندنا زود تذكار الحل بدر وشهم من عالي أنساب من نسل عبدالمحسن وزود مقدار علي الرشيد - رياض الخبراء البدر يا نواف عن ساحته غاب والموت مكتوبّ علينا بلا خيار اسمه من احروف القمر فوق مرقاب وعلى بحور الشعر ينعد بحار في كل نادي في بلدنا له اكتاب والبنت هام السحب غنوا بها جهار محمد عبدالله الشهري - جبل اثرب الحل بدرٍ عَن وِجِه ارضنا غاب وصاب الادب حِزْنٍ وجزلات الاشعار يا بدر فقدك أحزن اقراب واجناب وكِلِ دعَا بالمغفره سِر وجهار لَك سِيرة فَذَّه تِخلِّدها الالباب وفي واسع الجنات مِع كل الابرار سعود عائش الحربي - جدة يالله يامنزل تبارك والأحزاب ياخالق الجنة ويا خالق النار تغفر لموتانا وتجمع للأحباب في جنة الفردوس هي دار الابرار ومعها نعيم بشوفتك رب الأرباب مثل القمر لاصار بدر ٍونوّار صالح عبدالله الزرير التميمي - الرس البدر غاب وغيبته طفت انوار والكل حزن من شباب وشياب واللغز حله بدر يابادع اشعار ويالله تغفر له ويمن له كتاب خالد ابراهيم المرشود - الرياض عليه رحمة ربنا سر وجهار البدر جعله جنة كلها اعناب واللغز يانواف ياواف الاشبار لك فيه اجر بدعوة تفتح الباب عبدالعزيز الصقيري -حايل لغز الأسبوع كتبه للصفحة الشاعر محمد مقحم المقحم من الرياض ويقول في لغزه: أنشدك عن عودٍ إذا ناديت قال (أنا مع العالَم بهذاك المكان) وإن كان ما ناديت ما لقّاك بال، كنّه عدوّ ٍ لك ولا عنده حنان. مع أنّه يكلّف ويُشرى بالريال، وتْحبّ دايم صحبته في أية مكان. نستقبل الحلول خلال «ثلاثة أيام» من نشر اللغز على إيميل الصفحة: [email protected]
