يازين جو سهيل واللي ورى سهيل والله يغيث بلادنا والعبادي

كان بيت الأسبوع الماضي للشاعر حاتم الشاهر ويقول:
يازين جو سهيل واللي ورى سهيل
والله يغيث بلادنا والعبادي
وكان صدى البيت من الشعراء:
بامر الولي تطيب معه التعاليل
بين النشامى مع نسيم البرادي
الجوء هادي مع قدوم اول الليل
و يا لله بغيث يعم كل البلادي
صالح البشري - الفويلق
يامرحبا بسهيل ويقفاكم السيل
وعلى بلادالخير غاية مرادي
ودك تعرف الجو شف اخر اليل
يهب نسيم الهوى والبرادي
والوسم قرب باقي شوي بالحيل
وتشوف برقه بين بالسوادي
يالله بوسم عاجل وزايد الكيل
وتسيل فيه ديارها والبوادي
حمد عبدالله الوايلي - حوطة سدير
ي هلِّتَك ياسهيل يهْنا لِنا الليل
وزان السِّما مزنٍ وبرْق ورعَّادي
والطير خَلَّا كنِّتِه والمقاييل
وذِي هي الايام قَيض او برَادي
ويالله مع صِدق الدعا والتهاليل
تِسقِي دِيار الحق حاضِر وبادِي
سعود عائش الحربي - جده
تراحيبنا يا كاتب البيت كا الهيل
و الله يحقق ذا تبي و المرادي
و اطلب من الله بالخريفي يجي سيل
حتى نشوف السيل في كُل وادي
يسخابه الله دون وزنٍ ولا كيل
لعل يسقي حضرها و البوادي
بدا يزين الجوى و احلى مقيل
بظل الغصون الراويه فا البرادي
محمد عبدالله الشهري- جبل اثرب
الوسم بعده مابقي زود تحليل
مواسم الأمطار مع كل وادي
لما تفز الأرض من غبة السيل
الكل يفرح حضرها والبوادي
الفضل لله خالق النور والليل
عساه يرضى عن جميع العبادي
علي الرشيد -رياض الخبراء
يامرحبا بسهيل والوسم والسيل
ترحيبة فيها الهدى والسدادي
تطيب فيه نفوسنا والتعاليل
وجو السهر يزين وايضا الرقادي
والبر يحلى مع رجال حلاحيل
نفود والا بين حزم ووادي
نواف هايف الجبرين - الرياض
بيت الاسبوع
كتب بيت الاسبوع الشاعر نواف هايف الجبرين ويقول :
ماهو ضروري كل شخص تداريه
من لا يعدك شي لاتحسبه شي
نستقبل صدى هذا البيت خلال اربعة أيام من نشر البيت على إيميل الصفحة:
rb-khozama@alriyadh.com