هذا مسار الدايري يابن الاخيار واحذر تخالف والتزم بالنظامي

لغز الأسبوع الماضي كتبه نواف هايف الجبرين من الرياض والذي يقول:
يا ويش رجال مشقى وصبار
اسمر ويبغى له حذر واهتمامي
اول وثاني حرف يكثر مع الزار
وآخر ثلاث حروف يمشي نظامي
توصل للحل:
حليت لغزك صح يا واف الاشبار
يالله عسى التوفيق يبرى كلامي
الزم مسارك تبتعد عنك الاخطار
مسار بالشارع وهذا مرامي
ولصفحة خزامى كل حبٍ ومقدار
ولزيزومها اخلص تحايا وسلامي
سعود عائش الحربي - جدة
الحل جاك ولك تحيه ومقدار
والزم كلامي يا بعيد المرامي
هذا مسار الدايري يابن الاخيار
واحذر تخالف والتزم بالنظامي
علي الرشيد - رياض الخبراء
البارحه ما نمت والجفن سهار
يوم أن عجز عن رمعته كل رامي
والحل جبته يا رفيقي ولا احتار
مسارك بدربك وخلك نظامي
عبدالعزيز الصقيري - حايل
لغز الأسبوع
كتب لغز الأسبوع الشاعر شوفان إبراهيم العجيمي من الرس ويقول:
بنت قديمه تصدق وتكذب احيان
الى شبعت تصدق وهذي سواته
وتكذب الا جاعت على مر الازمان
عجل وهات الحل يالذيب هاته
ونستقبل الحلول خلال "ثلاثة أيام" من نشر اللغز على إيميل الصفحة:
rb-khozama@alriyadh.com