هذا تكريم يصير في كل الاعوام تكريم للطلاب في كل عامِي

كتب لغز الأسبوع الماضي الشاعر إبراهيم العجيمي من الرياض والذي يقول:
شي جميل يصير بنهاية العام
يرفع مقام ولاينزل مقامي
خمسة حروف واكتبوهن بالقلام
حتى النساء مثل الرجال الحشامي
ورمعه كل من الشعراء:
هذا تكريم يصير في كل الاعوام
تكريم للطلاب في كل عامِي
يا ما صبرنا اعوام عام بتر عام
حتى تعلمنا و اخذنا الوسامي
محمد بن عبدالرحمن أبو دحيم - البدائع
يالله ياللي للخفيات علام
ياواحد فرضت حج وصيامي
يارب تكرمنا بعفوك والاسلام
تكريم والتكريم غاية مرامي
نواف هايف الجبرين - الرياض
قريت لغز للعجيمي بالاعلام
لغز قوي في رموزه وسامي
والحل تكريم لاصحاب الاكرام
اللي لهم قدر وزود احترامي
علي الرشيد - رياض الخبراء. .
حل اللغز توفيق مِع خبرةٍ وافْهَام
وذِي رمعتي مِن ضِمْن ربٍعٍ حِشَامِي
تكريم للطلاب في آخِر الاعوام
مترجمه لجهودهم بالتِّمامي
وخزامى الصحارى واهلها ريع حشام
دايم بها نقرا سمين الكلامي
سعود عائش الحربي - جدة
الله يحيي اللغز والعز قدام
وخذ رمعتي من عقب طرح السلامي
تكريم والتكريم من خصلة حشام
والله يوصلنا رفيع المقامي
عبدالعزيز الصقيري - حايل
لغز الأسبوع
كتبه نواف هايف الجبرين من الرياض ويقول:
ياويش رجال مشقى وصبار
اسمر ويبغى له حذر واهتمامي
اول وثاني حرف يكثر مع الزار
واخر ثلاث حروف يمش نظامي
نستقبل الحلول خلال "ثلاثة أيام" من نشر اللغز على إيميل الصفحة:
rb-khozama@alriyadh.com