للرفيق حقوق عند مقدرين الخوه

من وفاهم حافظين العهد والميثاقي
العلاقه بينهم تزيد طيب وقوه
وبينهم حب ٍ توثق داخل الاعماقي
طيبهم باقي ولا هو مبتدي من توه
وبالتعامل ذوقهم من خيرة الاذواقي
فيهم اللي شب ل أصحابه وضيفه ضوه
وفيهم اللي بالمواقف دايم ٍ سباقي
يرتبط بين الرجال الطيبين اخوه
الوفاء من بينهم طول الليالي باقي
ما يفرق بينهم صاحب ردى ومشوه
لو يجمّل صورته عن غايته ينعاقي
لا يحسْب الناس مجبوره توافق جوه
يوم نفسه للمشاكل والخطأ تنساقي
ما تقدى بالرجال ولا كفاهم سوه
وده يعذرب رجال مستواهم راقي
ما يذم الطيبين الا قليل مروه
فاقد معنى الحياة وقيمة الاخلاقي
أحمد سعود الحمد