بدون أسباب

اللي بدون أسباب فجأه كذا صد
خله ورا ظنون انتحت به تقوده
دام ابتعد لا تمد له للوصل يد
يكفي رفع للود راية جحوده
يمكن سمع واشي لسانه غدا حد
يقطع حبال أخوه بصدق معقوده
ولا غلب طبع انغرس فيه وارتد
عن عشره ارخصها وبدل عهوده
ولا على موقف طبيعي ما ينعد
يفهم غلط وأفكار جهله تروده
يوحي لك انه طيب وصبره انهد
وغيره وقود السوء وزناد عوده
ناس اختلاف اطباعها بحر ممتد
مثل اختلاف أشكال فيه معهوده
عاشرت منهم مبتسم مكره اشتد
لكن نهجي ما تصدع صموده
إلا الوفا أصبحت له ما انتظر رد
وزدت الحذر جرعه تعزز وجوده..
عايض الميلبي