تصنع من اجذوع النخل ما تريده تعمل لنا قفه وزنبيل وفراش

حرفه لها في ماضي الوقت أفعال
من واقع زمان الأمس وتوسع الصدر
واليوم راحت واختلف جيل واجيال
صارت من الذكرى مثل باني الجدر
يالله عسى ايام مضت تبري الحال
يوم العرب تمشي على ساطع البدر
حمد عبدالله الوايلي- حوطة سدير
تصنع من اجذوع النخل ما تريده
تعمل لنا قفه وزنبيل وفراش
لاخاب من يصنع صناعات بيده
تلقاه بين الناس فالح .. ومعتاش
وترى نبات النخل جداً مفيده
تاريخها معروف لا يطلب انقاش
محمد عبدالله الشهري - جدة
قفت بك الايام يا جيل الأجداد
ما باقيٍ إلا بعض ذكرياتي
على الحصير النوم والأكل للزاد
وعلى الحصير الطاهر نبدا الصلاتي
شغل الجدات اللي لهن الزمن باد
راحن عساهن للجنان الوسيعاتي
راحت معاهن ذكريات لها أبعاد
ما تنسي مهما تطول الحياتي
خالد ناصر المخيمر - روضة سدير
تراث باقي من عصورٍ قديمات
لأهل الشرف والمروءة والأفعال
اللي لهم ذكرى على كل الأوقات
مهما يطول الوقت وتبدل أحوال
سارة الحمود - الرياض
نرحب بمشاركاتكم الشِّعرية، وما تلتقطه عدساتكم من الصور الهادفة والطريفة على إيميل الخزامى:
rb-khozama@alriyadh.com
صورة العدد تصوير محرر الزاوية