في بيتها خضَّت لبنها بالصميل عهد الأصالة والوفا ما له مثال

هذا صميلٍ فيه من خير الأرزاق
خضّوه جاهز وينك اللي تذوقه
عدة سنينه فيه وقت الأشفاق
يوم السنين اللي تحرّى حقوقه
والحمد لله عهدنا واسع آفاق
خيرٍ فضيل وكل نفسٍ تشوقه
حمد عبدالله الوايلي - حوطة سدير
في بيتها خضَّت لبنها بالصميل
عهد الأصاله والوفا مالِه مثال
نستذكره بالفخر والذكر الجميل
بالعز عاشوا وقتهم والاحتمال
وكسبوا التقدير والشكر الجزيل
مع الجديد النافع ابكل المجال
واللي مضى له عندنا الوضع الجليل
سعود عائش الحربي - جدة
قفت أيام السمن والزبد المضير
راحت بها الايام مع زود الحضاره
يالله عسى في مقدم الأيام خير
نسعد بها بين الربيع وبين أزهاره
خالد ناصر المخيمر - روضة سدير
صورة من الماضي لحرمه مع سقى
مدبوغ من عنز يخزن للألبان
جديد منفوخ على الارض ملقى
محبوك مخيوط بناميل نسوان
فيه اللبن لو طول الوقت تلقى
طعمه كما هو كان محلوب الآن
سعود عبدالعزيز الهزاع - نعام
هذا التراث اللي له الناس يبغون
من ماضي الأزمان في وقتٍ جميل
رمز الحضارة كل وقتٍ يقولون
ما ينسي ذكره.. ولا يمكن يزيل
سطام المسردي - الرياض
نرحب بمشاركاتكم الشِّعرية، وما تلتقطه عدساتكم من الصور الهادفة والطريفة على إيميل الخزامى:
rb-khozama@alriyadh.com