ياللعجب!

المحبه من طرف واحد عذاب
ما يضاهيها عذاب .. ولاتعب
تتعب القلب وتصيبه بإكتآب
وكتمها نيران والشْكوى لهب
المصيبه دونها الفين باب
وكيف أباصبر والأمر .. ياللعجب!
لي بغيت أحكي اخاف القى سراب
كأني.. الي بالشتاء بيجني رطب
وآتشجع للحكي وألقى الجواب
رجفةِ بالقلب.. من صبرِ نضب
وآتراجع وأنتظر وألقى العتاب
من فؤادِ لا تشجعّت إنسحب
حيرتي مأسات يحويها كتاب
من قراء فصلين منها يرتعب
شُفت في دنياي أنا السبع العجاب
ومن كسب خسران والخاسر كسب