المملكة تسعين عام

المملكه تسعين عامٍ رقت فوق
مثل النجوم العاليه في سماها
حاكم بلدنا بو فهد غير ملحوق
له طيبتن بالنفس كلن يراها
واليا تكلم منطقه خير منطوق
لكن عدوه يرتبش لا قراها
له هيبتن يدري بها كل مخلوق
حزمٍ وعزمٍ يوم دوّر رحاها
وليّ عهده من جدوده به اعروق
عادات جده في ضميره بناها
حموا بلدنا من هل الغدر والبوق
لنها بلادٍ تحتمي من نصاها
لدخيلها تاجي على الجنب كالطوق
يعيش بامن الله وهو في حماها
في قلب كل مواطنٍ جالها شوق
يرخص لها عمره ودمه فِداها
حنا هل العادات واحنا هل الذوق
بلادي ولا تبخل على من نخاها
يالله تحميها من الباس والعوق
حتى تواصل في المعالي خُطاها
والله يجعل فوقها مُزن وبروق
والغيث يسقيها ويخضر فلاها
وصلاة ربي عد ما بان زملوق
على نبي الله سموه طاها