حنا يدينك يا وطن وأبشر بنا في كل حين

من منطلق دور اليدين إن كان وصلت للحلوق
حنا يدينك يا وطن وأبشر بنا في كل حين
ترا الحياد مع الوطن مثل الخيانة للحقوق
وحنا على العهد القديم معاهدين معاهدين
والشعر كانه ما خدمني فالقوافي والطروق
إني فلا عاد أكتبه وأحلف على هذا يمين
شاعر ولي قلب جسور ولا نطقت أنا الصدوق
وأدحم بجنبي فالمواقف دام لي جنب متين
والدولة اللي جت لها في موقف عيى يلوق
نصدها بالخنصر وناطى على إبليس اللعين
في ساعة الهيجا نقوم ولا تفرقنا فروق
الشعب والحاكم سوى وأرواحنا بين اليدين
حنا الرعد حنا المطر حنا توهاج البروق
حنا حماة الدار بأمر الله إله العالمين
الصف واحد كلنا قدام ما فينا لحوق
نقدم ولو ندري بعد الإقدام ماحنا راجعين
إلنا من الدنيا مثل ماللغروب من الشروق
للعمر لأجل العز حنا بايعين ومشترين
"علّم قطر واللي وقف ورى قطر" ما فيه فوق
لو يلتفت سلمان حولتوا إلى أسفل سافلين
تغانموا حلمه ولا يخدعكم النذل السروق
وجه النصوح وفعله يدمر ديار الآمنين
ربيب صهيون الخيانة فيه مع دم العروق
لو جات له فرصة يبيع!! يبيعكم بريال دين
Your browser does not support the video tag.