يا وفاء قلبي ما هو قد العيون

العيون اللي بها موت وحياه
ما جنينا من الهوى غير الطعون
لين صرنا دفترٍ كلٍ قراه
ما يفيد الشعر كله لمغبون
ولا يعالج جرح مغبونٍ سواه
ما كسب مجنون ليلى إلا الجنون
وقولة الشمات: هذا اللي جناه
ولا يفيد المهتوي كلمه تهون
الهوى ما يهون عند اللي هواه
ما هو مقيد ولكن في سجون
منسجن كنه من حساب الجناه
الوداد اللي تلوى بالشجون
ينتظر منها عطف مما دهاه
مادرى انه في يدينٍ ماتمون
ما تمون إلا على جية عناه..
لهيلم المويس