من هِيامي أسج واسرح بها

دلعها مو دلع عادي يالبّا هالدلع ياناس
ألاقيها وتفتني وتجذبني وتغريني
نذرت إل ها الغلا وعطيتها حبي بدون قياس
ولابي مِنّها إلاّ أمر واحد: لاتخليني
هناي ابشوفها يذهِبْ عن القلب الشفوق الباس
فقط هي وحدها اللي في الهوى تقدر تداويني
أداريها واخبّرها بأني دوم فيها حاس
أدللها واسكّنها وسط قلبي وفي عيني
لها عمري لها شعري لها التقدير فوق الراس
لها عذب المشاعر والاحاسيس التي فيني
كلامي مايوفّيها ولو صغته درر والماس
ولو ان المداد البحر واكتب ما يكفّيني
ثلاثينيةٍ لي من تثنّى قدها الميّاس
تضيعني معاها بالغنج وانسى عناويني
يلوموني على حبي لها وآقول: لا للياس
أباعيش إب أمل واحلم (ب.... ) طيلة سنيني
رقيقه ناعمه عذبه جميله طيّبة الانفاس
من هِْيامي أسج واسرح بها مدري أنا ويني
يسولف لي خفوقي عن غلاها واختبص واحتاس
واحس ابحسره بقلبي ونار الشوق تكويني