فيض القصيد

السحابة
الليل والحي والقمر والسحابه
والصبح وعروق الأشعه تسلل
والفرحه اللي عاشت اجوا الكآبه
طفلٍ فطمه الهم قبل يتدلل
شِعر - أشجان عبدالله «أغراب»
من
زعلك
تزاحم الضيقات بالصدر الرحيب
نفتح ملف الهم .. ونقفل ملف
يالله بجاهك من ترداي النصيب
وبحماك من مقاشير الصدف
نشيب ورموش الليالي ما تشيب
ونعف وصدوف الليالي ماتعف
كم ظنٍ كنت أظنه ما يخيب
وكم باروا الأصحاب فينا للأسف!
شِعر - مساعد الرشيدي
الأيام
الطيّبات قريّبه .. وبعيّده
وان شانت الأيام ما رحنا بعيد
بيوتنا تحت الشموس مشيّده
وأرزاقنا بيدين خلاق العبيد
والشِّعر فيه معلقه .. وقصيّده
بس المصيبه كان ما سر القصيد
يرجع مثل بنت الرجال الجيّده
لا ساقها الحظ الردي يم البليد
شِعر - ناصر القحطاني
أحلام العمر
أكرمت وجه الزمان من المناقيد
وداريت جرحي عن عيون الشماته
لو يعذر الموت هقوات البواريد
عذر الجمل ما جرح نابه لهاته
ماهي بلحية شجاع وقلب رعديد
خوف انكساره على رجم امنياته
لا ترمي أحلام عمرك دايم بعيد
وتعيش ما بين صدّه .. والتفاته
شِعر - علي الريّض