ياهلا ويامرحبا بسلمان الحزم والعزم

يالله تحيي ملكنا جعل عمره طويل
الجوف قبل منوره واليوم زايد نورها
يامرحبا يا سيدي ترحيبتن ماله مثيل
انته تشرف في قدومك كل ارض تزورها
يامرحبا عد الحمام اللي تغنّى بالهديل
يامرحبا عد الشجر عد الفلا وبحورها
كنك علينا غيمه ورشت وجملها المسيل
كريمةٍ فوّح على ريح البلاد عطورها
ولي عهدك نايبك يمناك هالسيف الصقيل
اللي عدانا لابده من سطوته بجحورها
يامرحبا به الاصيل ابن الاصيل ابن الاصيل
في جيته ديرة هلي مفعم حسين اشعورها
شيبان جوف المملكه واشبالها نار وفتيل
تحرق عدو المملكه اذا تعرض سورها
تحت رهن اشارتك يالقائد الفذ النبيل
أشر على دار العدا والله تضيق بجورها
الشاعر سعود عبدالكريم الشاهر السرحاني