يا مرحبة ترحيبة الخير يا أمير

يامرحبا ترحيبة الخير يا امير
ترحيبةً في حلها في وعدها
تفوح ورد وياسمين ونواوير
مامثلها ولاقبلها ولابعدها
عم الفرح في جيتك واقبل الخير
والدار بقدومك يذعذع سعدها
وكل القرينيه تسوق التباشير
فرحة ولاء لعز الرياض وسندها
خالد ولد بندر حفيد المناعير
ابن الملوك الي تحلل عقدها
والنايب الي له معزه وتقدير
تركي وتركي لا بغاها وجدها
سلايل اللي سطر المجد تسطير
يوم الليالي عادها امرّ وادها
عبدالعزيز مصخرٍ نجد تصخير
يلين سيسها وثبت عمدها
وانت الامير اللي يقود الطوابير
عما عيون الحاسدين ورمدها
عون الضعيف اللي حدته المقادير
واللي شكا جور الحياه ونكدها
في ظل ابو متعب للامجاد توقير
الله يديم النا البلاد ورغدها
يامرحبا ترحيبة الخير يا امير
يامرحبا بعز الرياض وسندها
* قبيلة آل المرضي القرينية