كتبه للصفحة الشاعر حمد عبدالله الوايلي من حوطة سدير حول دخول الوسم وانتظار الناس له، ويقول البيت: يالله بوسم وافي في خياله من الجنوب اليا حدود الشمالي وقد كان الصدى من الشعراء: تسيل وديان جنوب وشماله مع شرق مع غرب همول الخيالي وتربع الريضان ويتبع وصاله ونشوف اثاره نهار وليالي وكل من العربان يرعى حلاله يا زين منظرها بذيك المفالي علي الرشيد - رياض الخبراء يالله بغيث واسع في ظلاله على الشواطي والسهل و الجبالي هله علينا ياعزيز الجلاله واجعله ياربي علينا نزالي القلوب تفرح ليامن شوفها شاله السيل يطرب هديره حين ماسالي فيصل بن سعود بن صقر يالله يالمعبود رب الجلاله نسألك مافي غيرك احد يسالي غيثاً مغيثاً خير كلن يناله من حد صنعاء اليا عرعر يسالي يضفي على نجد العذيه خياله وادي حنيفه يسيل عشر الليالي شجعان المقاطي - الرياض يالله بنو قادم في عجاله في جيته بامر العزيز الجلالي ياماحلا شوفه وحزة وصاله شوفه يسر القلب ولا له مثالي نشوف اراضينا تكتسي من جماله ويفرح جميع الناس واهل الحلالي محمد بن عبدالعزيز الخنيفر - أشيقر بشوف الربيع اللي يمتع جماله وترحل له العربان بنشر الحلالي جو يسر القلب مابه مثاله والسيل يجري والسماء به خيالي واهل الحلال اليوم تبدا رحاله حول السيول الجاريه والجبالي ريان بن محمد الخنيفر - أشيقر بيت الأسبوع كتبه للصفحة الشاعر صالح المرشود من الرياض، وذلك شكراً لله على منه وكرمه بعد هطول الأمطار على أنحاء البلاد ويقول: الحمد لله جزيل المد والمنه اغاثنا بالمطر في كل الاوطاني نستقبل صدى هذا البيت بثلاثة أبيات تدور حول هذا الموضوع، وخلال أربعة أيام من نشر البيت. على الإيميل: [email protected] Your browser does not support the video tag.
