يا مرحبا بالسيل حزّة نزوله شفنا السعادة خص بنزول الأمطار لكن نشوف الناس باثناء حلوله تمشي المخاطر ما تفكر بالأخطار شوفوا العبر يا ناس كلٍ يقوله كم من فقيده راح والسيل غدّار الصبر واجب والحذر في وصوله واحذر على نفسك وايضا هل الدار محمد عبدالعزيز الخنيفر - أشيقر الفضل لله يوم أنشت سحايبها هلّت غزير المياه ومشت شعابه شلال تعجبك بالمنظر صبايبها الشكر للي بجوده يسر أسبابه خير عميم على الوديان يعشبها ينبت سهلها مع القيعان وهضابه علي الرشيد - رياض الخبراء من سفوح عالية الجبال الشواهيق سيل المخايل من المطر حط شلال بكل الجهات اللي عليها البراريق جاد السحاب وهل وبله على جبال وتشكلت طبيعةٍ تجلي الضيق جواً وشلالات وزود به خيال سيل نضيف من ظهار على طويق صافي حصى مجراه ماشابه رمال سعود عبدالعزيز الهزاع - نعام الحمد لله والشكر والثناء له رب كريم معتني بالمساكين أقبل علينا الخير وبين خياله ممتد من عرعر الى حد يبرين وهل المطر والسيل شوفوا شلاله صوره بديعه تنشراء بالملايين يفرح به الفلاح ويكثر حلاله تسمن به ضعاف الغنم والبعارين خالد ناصر المخيمر - روضة سدير شفنا السيول النازلة والجميله منظر يسر القلب يشبه لشلال يرتاح بالي وقت شوف المخيله يازين شوف السيل من فوق الِتلال هذي نعم والخير ما به مثيله ولا تكثّر الروحات بحل وترحال وهذي رسالة للرجال الاصيله عيالكم تكفون والحرص يارْجال ريان محمد الخنيفر - أشيقر يا ما حلا شوف المطر في نزوله لوحة جميله صورت شكل شلال فيها الطبيعة ورد وزهور حوله هذي مناة الروح في كل الأحوال بشائر القحطاني - الريا صورة العدد السابق
