وطن يسعد صباحك ياوطنا مع شروق النور يا اجمل ما كتبته واحتضنته داخل اشعاري وطن في حضنك الدافي تشافى قلبي المكسور تسامى خاطري وبوصف حبك بجمع افكاري وطن ياحبي الاسمى وطن ياشعري المنثور اباعلق على نحرك قصيده جابها الطاري من اول ما انتخى لجلك (معزي) وابتدى بالدور ملوكاً ما لهم فوق البسيطه وصف ومجاري اسود ويعشقونك يوم كنتي يابلادي بور ولا بك يابلادي خير يذكر او نهر جاري وصرتي جنةٍ للخلق مدت كفها بسرور تغيث اللي طواه الهم ولا جار به جاري معزي من بعده سعود كلمتهم تجي بالشور وسياسة فيصليٍ ما يطفي النار بالناري وخالد هو سمي الخير مدري الخير له مامور ومن بعده فهد وسياسته بالعدل تنداري وعبدالله حبيب الشعب سعيه دايماً مشكور دعاوينا سحابه غيثها لا هل مدراري ومن بعده وقف سلمان يحكمنا على الدستور حزم مع عزم مع رحمة وهيبة ملك ووقاري اليا منه نوى يبطش خصيمه صاح به مكسور تزلزل هيبته كبرى الدول واللي لها داري يمينه ياقف الشامخ محمد سيفه المشهور ولي العهد في وصفه لبيب العقل يحتاري يكفينا عن الدنيا نردد قوله المأثور (اخاف اموت ما حققت حلم الشعب) باصراري الأميرة مضاوي بنت منتصر بن سعود Your browser does not support the video tag.
