العيد حل وطاب جو الشِّعر طاب

من هاجسن ما يبدع إلا الجزيله
في دارنا جعله من المزن سكاب
يمطر علينا كل يومٍ وليله
دارٍ لها حبٍ قديمٍ وجذّاب
متمكنن وسط القلوب النبيله
دارٍ عزيزة وصفها نال الأعجاب
والجود والنخوة وفعل الجميله
دارٍ سمت بالعز في كل الاقطاب
والامن والايمان ربي كفيله
في ظل حكامٍ يحلون الانشاب
آل سعود معدلت كل ميله
اهل الفخر والطيب في راس مرقاب
وافعالهم تبقى سنينن طويله
والعدل والاحسان ماعنه مجناب
حصيلةٍ ياطيبها من حصيله
Your browser does not support the video tag.