المشاعر

الجلسه اللي في براد وفي فضى
تظْهر قصيدٍ بالصدور لحونها
تنثر مسابيح الزمان اللي مضى
وتْهلّ دمعه غاليه بشجونها
اذْكر من الايام عذبات الرضى
مثل الزهور الفاتنه بغصونها
احلى من البارد على كبدٍ لضى
من قربةٍ عقب المطر يسْقونها
ازكى شذى من عود في جمر الغضى
من طيْب ريحه العرب يطرونها
جيلٍ على الجزلات يمناها حضى
بالطيب والإحسان عالي شونها
بالدين وعلوم المراجل تنبضى
بقلوب بيضا صافيٍ مكنونها
شاشة خيالي في ضميري تعرضى
فلم المشاعر بيّنت مضمونها
كنه حقيقه قدْم عيني لا قضى
اعيد تشغيله وكحّل نونها
مقرن بن متعب الهرف
Your browser does not support the video tag.