يا فاطِري لا تكثِرين الحنينا

صورة شاعرية

يا فاطِري لا تكثِرين الحنينا
ولايدِك بْخاطرك كل دوّاه
تبكين فرقا يوم وأبكي سنينا
ويْلي على فرقا المحبيّن وَيْلاه
مدري بلاك مْفارق الظاعنينا
ولا على جيّان موقق ومرعاه
يافاطري هذي سواة اللعينا
منك الحنين وْمنّي القلب عنّاه
وجْدي على العِمّان والوالدينا
والعيد ياما قلت به واحلالاه
ويحق للوالد وصوله علينا
والبر مادام مع الحي نلقاه
من قبل ماينْسَف علينا الدفيَنا
ولا عليه بْساعةٍ ماحضر ناه
إما عليهم مثل النعايم لفينا
وإلاّ هَمزْنا همزة مْقيط ورشاه
شعر: عبدالعزيز بن محمد العيد (العِزّي )
رحمه الله