شموخ أطلالها يشكي النوايب

صور شاعرية

بكيت وْهلّت العبره عيوني
على خدّي نزَل دمعي سكايب
بعد ما شفت دارٍ عقب أهلها
بها الوحشه تحط الراس شايب
بقا من مبانيها القديمه
شموخ أطلالها يشكي النوايب
تهاوى نصفها والنصف الآخر
تصافق فيه صلفات الهبايب
سِكَنها اليوم عقب اللّي سكنها
وبنى عِشٍ ّلرِبْعه والقرايب
رحل منها الذي قِد راح منها
رِحيلٍ من رحل به غير آيب
لهم فيها مداهيل وْمآثر
هَلِ الطاله مخَلِّصت النشايب
وبقت تشهد على الماضي وتبكي
على اللّي بالثّري تحت النصايب
شعر - عبدالهادي سعيد المسعودي