الولا متوارثينه على مر السنين

دام عزك ياوطن كل وقت وكل حين
في ذرا اللي كل شعبه و داره في ذراه
اخو نورة صاحب الرأي والعقل الرزين
خادم البيتين لا قال له قول احتماه
لا نظرت لوجهه اذكر سمات الصالحين
وان نظرت لفعله اقول يا معظم دهاه
عزه الله دام عزه يعز المسلمين
واحفظه من كل مكروه للشعب ورعاه
والولا متوارثينه على مر السنين
كل مولود يجدد على الفطره ولاه
حافظين العهد عهد الجدود الاولين
يوم ابو تركي حكم (طيب الله ثراه)
قبله اهل الدار في غيهم متناحرين
والبلد من هول الاحداث ما يجبر عزاه
بدو رحل بس يأمر أبليس وطايعين
والفتن من بينهم نسأل الله النجاة
ويوم جرت نجد من هول الاحداث الونين
قام ابو تركي وقرب حصانه وامتطاه
من كويت العز جاء غازي معه أربعين
ارسله رب البشر للوطن قارب نجاة
احتزم بالدين والعزم عزم ما يلين
وسجل التاريخ فعل يخلد للرواة
وحد الشمل المشتت وقرت كل عين
بعد زاد الضيم والظلم جاء العدل ومحاه
وانفتح باب الفرج للعباد الصابرين
والفرح غيثه على ارض الجزيرة هل ماه
عواض بن سالم العازمي