الوطن غالي

غرّد القمري وفاح الياسميني
للوطن واليوم واجب ينفرح له
الوطن غالي ويسوى نون عيني
اعشقه والروح والله فدوة له
ايه احبه وافتخر به كل حيني
رافع البيرق سعودي وابتسم له
والمشاعر صافية بينه وبيني
غالي الاثمان حبه ما نمله
كل شبر من حدوده نبض فيني
عايش فيني وقلبي مستحله
دارنا دار السعود ومحتويني
في ذراه ومستظل تحت ظله
في رخاه انعيش بامن وامنيني
عزنا الله في وطنا نحمد الله
قلب واحد كلنا متكاتفيني
والولا لملوكنا ما فيه خله
حافظين العهد من ماض السنيني
لاخوان نورة والخواطر مسفهله
راية التوحيد تبقى عز ديني
ديننا الإسلام له مذهب ومله
دام عزه شامخ للمسلميني
ودام خيره ضافي للشعب كله
محمد مرزوق السميري