كم واحدٍ له غايةٍ ما هرجها

من قصائد الأمس

الله من همٍ بروحي سهجها
بخافي ضميري في كنين الحشا لاج
أحر من نارٍ توقّد وهجها
منها خطر روحي على سلك ديباج
وعينٍ عسى المولى يعجل فرجها
يفوح ناظرها كما عين هدّاج
أسترسلت بالدمع مما رهجها
غيضٍ يكظ عبارها مثل الأمواج
كم واحدٍ له غايةٍ ماهرجها
يكنها لو هو للأدنين محتاج
يخاف من عوجا طوالٍ عوجها
هرجة قفا يركض بها كل هرّاج
يقضب عليك المخطيه من حججها
حلوٍ نباه وقلبه اسود من الصاج
والله خلق دنياً وساعٍ أفججها
وعن مايريب القلب لك كم منهاج
والرجل وان شطت لياليك سجها
عسى تواليها تبشّر بالأفراج