اللي جلس في رجا الخايب يخيب

خليل بن هدلان
الردي لا تحتزم فيه لو انه قريب
ما يسرك بارد العزم كساب الردا
لو يعكس السيل مجراه ويسند شعيب
مايطيب اللي ماعنده على الطاله جدا
لا ترجى فزعةٍ منه مقطوع النصيب
لو حديته للنواميس عيا ما انحدا
واعرف ان اللي جلس في رجا الخايب يخيب
يخطي دروب المعزه ويخطيه القدا
جنب اللي بالنوايب عن ربوعه يغيب
جعل مثله للنوادر هل الوقفه فدا
الرجال اللي تناطح مقابيس الحريب
لا نخيت بهم على الكود ما قالو بدا
من نصاهم ساعة الضيق لو انه غريب
ينجلي همه لو اكبر من طويق وشدا