أول الوقفات

الجو زان ونسنست هبايبه
والنفس من جو المدينه طايبه
نبغي لنا مسراح يوم باوله
والا نتقفى شمسه اللي غايبه
وليا خذيت من الثلاث وحولها
دوّر من القاع الجرز رغايبه
والا من عروق النفود خشومها
ومن الجبل ما سال من شعايبه
هذي اول الوقفات واخذ فالها
وارم الصلف والخير قُد سبايبه
وليا تقهوينا وقالوا قفضوا
فحمّل وكمّل كل شئٍ جايبه
يا كود ثنتين محلك خلها
مالك ومال العايبه والخايبه
الخايبه غثاء الحياه وهمها
اللي ما تلقى من وراها ثايبه
لو كان ماهي خايبه ما خيبت
كفو الرجال وقربت حظايبه
والعايبه غيظ القلوب وجرحها
اللي ينوش الرجل من قرايبه
هذي هي الثنتين تكفى خلها
في خايع تلعب بها هبايبه
حتى ليا من جيت صوب الديره
لقيت نفسك من غثاها طايبه
علي بن ثابت المنادية