الوقت فيه اختلاف

يا لي نشت أخذ الخبر يا السنافي
أخذ الخبر يا لي من الوقت منظام
هاذي سوات الوقت ما هو بصافي
وش عاد لو يصفي معك عدة أيام
لا بد ما يمشيك بالرجل حافي
ولك الحقائق تنقلب مثل الأحلام
عليك يذري مثل زي السوافي
ومن يوقعه في حفرت طاح ما قام
ودنياك هاذي كلبوها خوافي
كم واحد من جورها عض الأبهام
من جورها مذرا عليه الحافي
واللي معه صدقان صارو له أخصام
لكن هذا الوقت فيه اختلافي
اليوم شف وينك وشف وينك العام
لكن بنعمه لا مشيت متعافي
ولا صار في دربك تسيرك الأقدام
ولا صار ثوب الستر للعبد ضافي
هاذي تراها من كبيرات الأنعام
والموت لابده على الحي لافي
مهما يطول الوقت وتطول الأعوام
وصلاة ربي عد ما خط قافي
على النبي إعداد ما أتخط الأقلام