فخر الذات

يا مغتن عنا ترانا غنيين
كل وله رزقاً من الرب ياتي
كانك تفاخر بالذهب والملايين
فأنا فخوراً في كياني وذاتي
تطمين قلبي. يكفي الراس تطمين
الريح ما تجري من أربع جهاتي
جيتي ورحتي ما بدا مني الشين
ولحدن معك من قلب سوا سواتي
كم مرة كفي مسح دمعة العين
عن خدك. وقلت أضحكي يا غناتي
واليا بغيتي شيء لو كان بالدين
أعطيك واليا أعطيت ما قلت هاتي
واليا جرحني منك بعض المضامين
أطيل بالنظرة. وواصل سكاتي
واليا تنهد قلبي.. آخذك باللين
واقول ذا طبع الدلع في البناتي
ويوم اني أعرف منك. واكبرك باسنين
صرت انصحك ما نصحبه أقرب خواتي
وعلمتك ان الناس ف الوقت صنفين
ناس على نيه. وناس وشاتي
وحتى عن مخاوا البنات المزايين
أحذرك والحق وصاتي وصاتي
وعلمتك أرقى الحب بين المحبين
وش تعني الشمعة. وغصن النباتي
واليوم يوم انك نويتي تصدين
فأنا على خبرك عزايه ثباتي
لا مغير ظني مثل ما تظنين
ولا محلق نفسي ونفسك شماتي
طبيعتي وحده من أول وذا الحين
وأنا أحمد الله يوم هاذي حياتي