مجاراة

هذه القصيدة مجاراه لقصيدة بركات الشريف و قصيدة ابن شريم المشهورين.
مازن وانا عمك اسمع وصاتي
اسمع وصاة اللي على الخير يامرك
خلك تقي وصل وقت الصلاتي
قد الوصاة ياشهم والكل خابرك
ابوصيك بالتقوى قبل الفواتي
اليا ذكرت الله تراه يذكرك
جنب رفيق الشر راع الشماتي
تراه يم المهالك يبي يجر جرك
عليك بالتقوى وحبل النجاة
وليا سترت الناس مولاك يسترك
واعلم ترى دنياك لابد تاتي
ايام تهنى لك وايام تقهرك
وليا هرجت اهرج بهرج ثباتي
وحسن سواليفك واعرف مصادرك
وان كان عينك ناظره للحياتي
الآخرة يمك تراها تناظرك
بشر عساك اليوم تسمع وصاتي
وان كان بشرتني الله يبشرك
نظمت ابياتي على وزن آتي
وختمت قافي يا جماعة على ارك
بدر مسفر شمروخ الشبلان
٭ وقصيدة بركات الشريف التي يقول فيها:
يا مالك اسمع جابتي يوم اوصيك
واعرف ترى يابوك بأمرك وانهاك
٭٭ وقصيدة ابن شريم التي يقول فيها:
اسمع وصاتي يا عزيز وانا ابوك
كان الزمان اللي وطاني توطاك