الأسبوع الماضي كان لغز الأسبوع من طرح الشاعر ناصر المسيميري من الرس ويقول:وش كبير يباري له صغير لو يقوم الكبير الورع قام الصغير يتحمل للكبير لو ينام الصغير العود نام وقد توصل للحل شعراً كل من: ياهلا مرحبا جعلك بخير عد ماهل هملول الغمام لغزكم واضح ماهو عسير الغطاء للمكينة والسلام علي بن عمر الخراشي - عنيزة شاقني لغز صايغه الخبير له تحيات فبعث والسلام ذاك كبوت والورع الصغير العصا يقوم للعود احترام علي غنام الغنام - رياض الخبراء مرحبا ياهلا بك يالمدير مرحبا لك معزّة واحترام انتبه لا فتحته لا يطير كان كبوّتها فتحه أمام سالم البشري - الجبيل ياسلامي عليكم يالخبير عد ما طار من طير الحمام كل موتر بكبوته يسير مدره الصيخ نايم والسلام صلاح بن عبدالله اليابس - رحيمة ياهلا بالكبير وبالصغير وللخزامى تحية واحترام لغزك اللي طرحته يا خبير ذا غطا للماكينة والسلام محمد بن عبدالرحمن «ابودحيم» - البدائع لغز وصف والمعنى غزير ناصر اللي كاتبه مابه كلام حامل وكبّوت غيره ما يصير هو جوابك يبو عبدالله تمام فهد بن عقيل الطويان - بريدة مرحبا والفلايك تستدير المطر يستهل من الغمام (الغطا للمكينة) لا يطير والعصا مستعد للمقام علي رشيد الرشيد - رياض الخبراء كما توصل للحل نثرا: منير فهد الحافي - الرياض، هليل لافي الحربي - القصيم، خليل مسمار الشمري - حائل، سلمان بن صالح المطيري - حفر الباطن، لغز الاسبوع كتبه علي رشيد الرشيد من رياض الخبراء ويقول: انشدك عن رجلين في وزن وقياس متشابهين الحجم والشكل واللون الاسم للواحد والاثنين لا باس عدال والا عكس تقراه موزون نستقبل الحلول على فاكس 4871070 خزامى الصحارى - زاوية لغة الاسبوع
