اعترفلك...!

اعترفلك .. كل جرح غير جرحك ينتداوى
وعترفلك.. مابقى للحب في قلبي بقيه
واعترفلك.. والمباني كلها بعدك تهاوى
وعترفلك.. ماصمد غير الحروف الابجديه
واعترفلك.. ذقت من حبك أنواع القساوي
اعترفلك .. كانت الطعنة من يدينك قوية
وعترفلك .. راحت الايام من عمري فداوي
وعترفلك.. ما بقى من وردك ألا المزهرية
سافرت.. معك المحبة والأماني والهداوي
مابقى.. غير الصخب عم الليال السرمديه
ضحكتك.. والعالم اللي صار من بعدك عداوى
آه لو تدري..وش اللي صار في غيابك عليه
تدري.. إن أحزان قلبي والفرح بعدك تساوى
تدري الإحساس.. مات مع السنين المخمليه
تدري.. انه ما نفع في غيابك آلاف الشكاوى
كلما وكل محامي.. يعتذر حمل القضيه
ودري التصويت.. ماهوخير من كل الدعاوى
بعضهم بيكون.. معيه ونت معك الأغلبيه
قلتلي.. ف بداية المشوار يومنا انتخاوى
الزمان المر.. لايفرق خوي عن خويه
با يعد طيش الحياة.. وكل معنى للشقاوى
انتظر.. ولا أنت ناويها فراق مع خطيه
أنتظر.. ولا بتعطيني بعد نفس الفتاوى
انتظر. ولاظروفك غير عن كل البرية