سجيت في جواً عليلٍ على الكيف

لو خيروني في هوى نجد وجنيف
لاختار نجد اللي حوت طيب الامجاد
احبها حبن يفوق التواصيف
وعندي غلاها طول الايام يزداد
هاذي ديارٍ تكرم الجار والضيف
من فعل اهلها والمواقيف شهاد
دره بوسط المملكة وارضها ريف
وبجوها تغني عن الشرب والزاد
حتى ولوتزداد حرّن مع الصيف
لها الغلا من صادق القلب منقاد
واخص لامن جيت روس المشاريف
واطلقت شوفي من على روس الاشهاد
وسجيت في جواً عليلٍ على الكيف
وسويت لي فنجال دلّه.. وبرّاد
ونسيت همٍ ساكنٍ بالسراجيف
من بعد ما طاولني بضيق وسهاد
هذي هوايه نجد يا مسافر جنيف
اللي حوت طيب المكارم والامجاد
نواف محمد الصخابرة