ألذ من غبقة لبن ذروة الصيف

بين الصحافة والشعر لغة بليغة خاصة وهذا ما يوثقه هذا النص الموجّه من الشاعر المعروف محمد النفيعي إلى الإعلامي الأستاذ مقبول بن فرج الجهني:
مني لأبو خالد سلام وتحيّه
ألذ من غبقة لبن ذروة الصيف
وارق من نسناس نجد العذيّه
لا ربّع الصمان والعارض مريف
تحيةٍ وطروقها سامريّه
أو عرضةٍ شالوا لحنها على السيف
للمطلق اللي نخوته يعربيّه
زبن الدخيل وكل ملهوف وضعيف
اللي كفوفه بالعطايا نديّه
لا مدّها مالت عذوق المهاديف
صحن القدوع ودورة الشاذليّه
في مجلسه تسمع سمان السواليف
اللي ليا منّه تخزوق خويّه
له وقفةٍ لا والله الا مواقيف
زيزوم ماجته المراجل هديّه
ابداً ولا خذها جميل ومعاريف
وصوّبها جدوده ولزم الوصيه
ربعٍ تعلّوا فوق روس المشاريف
قليل من هو في المناعير زيّه
وفعوله اللي مثلها ما بعد شيف
له وجهٍ ابيض من لعوج برديّه
وله هيبةٍ فيها تحير التواصيف
الشاعر: محمد النفيعي