أمانه

ودوا سلامي بلغوا هالأمانه
لدار صفوة خلقه وسيد الورى
أسمى التحايا من ربوع الكنانه
ازكى سلام لاطيب واطهر ثرى
الروح في هاك الروابي رهانه
دار هواها في شراييني جرى
ياعلها بالغيث من قبل اوانه
ديرة وثق لا الحب العرى
ياليت من بيح بشوقه لسانه
لاحبابه عيون تراعيه وترى
اوليت من خطت حروفه بنانه
يحس به خل من حروفه قرا
اللي على الخافق كثير الميانه
واللي مع الهاجس له الخافق سرى
بأقصى الضماير له مكان ومكانه
له منزل عالي ولوبه مادرى
وده عن صروف الغرابيل صانه
عوج المحاني له مداهيل وذرى
عزاه يامن ماصفاله زمانه
والجرح به مبطي ندى مابرى
اخلف عليه البعد وابلا كيانه
لوهو تضرى بالتسلي ماضرى
لاشك ماللوقت عهد وضمانه
ازهى مقابيله تواليها ورى
ودوا سلامي دخلكم هالامانه
لدار صفوة خلقه وسيد الورى