رحلت من عندك على آخر بقاياي

من هيض صدر ٍ قام يظهر خفاياي
أدرجته الأيام درج المحالي
وأظهر ماكنه فاأول الوقت وأتلاي
لحقت على ما أخفيت سود الليالي
لين أنها جابت لي أقصاي وأدناي
وأنا على ما قيل صدري شمالي
جرح يزول وجرح لازال وياي
غنيت به يوم القصيد أستوالي
وترجمة ماكنّ الفؤاد وحناياي
شطرٍ جواب وشطر مثل السؤالي
من ونةٍ لوسمعها طارف أعداي
أيظام منها قبل ظيم الموالي
نهار قفت بي مقادير دنياي
وأنا أجرع العلقم قراح ٍ زلالي
وهذاه أنا صابر وياكبر بلواي
وأشرب فناجيل الحزن من دلالي
لاياسليل الجرح يافالح الرأي
ترى عزاي إن الوفاء رأس مالي
قل للهنوف اللي بكت حر فرقاي
الله يصبرها وتلقى بدالي
عن بعدها مجبور وأقفت مطاياي
ياكثر حسراتي ويابري حالي
وقتٍ رسم حزني على بسمة أشفاي
من ريشة إبداعه كمال وجمالي
مثل الأسير اليوم وأفراجي أقفاي
أبعادي أقرب من بلوغ المنالي
ياأم البياض الطهر ياغاية أمناي
ودعتك الله يابعد كل غالي
رحلت من عندك على أخربقاياي
وأنا بعد فرقاك ياعزتالي
لوماأختلف ظنك ولاخاب مبداي
بس القدر عيّا يحطك حلالي
سعد المسعودي