برد الجفاء

كل الليالي ف بعدك نورها طافي
والدرب مظلم وغيرك من يقّديني
وألاّ لخاطر عيونك راح اجي حافي
في زحمة أشواق لك دايم تناديني
ياهيه برد الجفاء جمّد لي اطرافي
وينك ووين السوالف لي تدفيني
ياماشكيتك لطول الليل ولحافي
وياما سألتك بربك لا تخليني
من هي تقدر مدى رغبتي واسرافي
غيرك وتشعر بهالأحساس لي فيني
من قسوة الوقت ياستار ياكافي
ممنوع أشوفك وممنوعه تشوفيني
غرقان في بحر حبك طاح مجدافي
ضائع والامواج في كل صوب ترميني
وإنْ بخفي الحب عنّك ماهو بخافي
صدق الغلا لك يبين في وسط عيني
وش لون ابقتل مشاعر قلبي الصافي
مادمت احبك ومن قلبك تحبيني
يا بعد عمري ملكتيني بكل مافي
مفتون هايم متيم لا تلوميني
هجر المحبين يدمي القلب وينافي
شرع الهوى والموده بينك وبيني