مرحوم يا ريف البلاد وغلاها

علمٍ لفانا بالمواجع والاكدار
عاجل على الشاشات بثّته الاخبار
اسودت الدنيا بعيني وضاقت
وفجّر دموع العين واشعل بها النار
مرحوم يا ريف البلاد وغلاها
عساك بالجنة مع الصحب الاخيار
في جنّة الفردوس يا رب مأواك
يا مئوي اللي من بلا الوقت محتار
في جنةٍ تعجز عن اوصافها العين
تقطف بها ماشئت من زين الاثمار
ثمارها وقطوفها لك تدانى
متخالطه انهارها هي والازهار
يا مغيث بعد الله من كان ملهوف
يا ناصر المظلوم ياحامي الجار
أفنيت عمرك لجل دينك وشعبك
وخيرك تعدّاهم الى كل الاقطار
يدعي لك الشعب وعيونه تهامل
دمعن ولو بيديه تفداك الاعمار
عليك يا رمز البلاد وعلمها
يا مروّض بفكرك عسيرات الافكار
والامتين وكل الامصار تنعاك
وتبكيك الارض وماعليها من اشجار
إختارك الله فجر يومٍ فضيلي
من طيب علمك والعمل دين واذكار
تعجز حروف الشعر توفي فعولك
وانا اشهد ان مالك شبيهٍ بالابشار
من طيبتك آخر وصاياك حكمه
الدين ثم الشعب وحماية الدار
الله يبيحك كل ماحل طرياك
وعساك بالجنة مع الصحب الاخيار
عوض سلامة العنزي