يالثبيتي تعديت كل الحدود

صياف الحربي:
يالثبيتي تعديت كل الحدود.واخر الليل ضيعت نجم الجدي
لين عذبت نفسك وعذبتني لين عذبت نفسك وعذبتني
مطلق الثبيتي :
الثبيتي مع الوقت دايم يزود.مايحب الردى والرفيق الردي
مغتني عن جميع العرب مغتني ,مغتني عن جميع العرب مغتني
صياف :
ماابلش الناس في الهوش غير الشرود.كل ما قللت له روح جاك يعدي
لايجود لسانه ولايفتني, لايجود لسانه ولايفتني
مطلق :
يوم شبت وراحت لقدح الزنود.احد يحتر منها واحد يبردي
وانت ياقوس من بعدها منثني, وانت ياقوس من بعدها منثني
صياف :
ربناالله والله خير معبود.ماعلينا من التايه المعتدي
ضلع راسي لايخضع ولاينحني,ضلع راسي لايخضع ولاينحني
مطلق :
السحيمي بصوته يصحي الرقود.مير ماهو بسيدي ولاسيدي
كل ماجابله سالفه غثني ,كل ماجابله سالفه غثني
صياف :
ان بغيت السنع روح واصحى تعود.وان بغيت العصا ذوقها من يدي
ماتجيك الليالي بما تمتني, ماتجيك الليالي بما تمتني
مطلق :
صيحي فوق راس الجبل ياقرود.ماتعرفين سري ولامقصدي
يوم بيت المعزة بنيته بني , يوم بيت المعزة بنيته بني
صياف مطلق