طاح من عيني

البحر عيا يوسع صدري الليلة
وانا من اول اليا جيته يسليني
لي عاده اقلط على شاطيه واشكي له
من نار حبٍ توقد في شراييني
يابحر جيتك وهمي يالله اشيله
اما تشيله معي والا تواسيني
ماجيت شاعر يغني لك مواويله
جيتك مفارق ونار البعد تكويني
ان كان به حل قلي وايش اسويله
الى متى وانت صامت ما تحاكيني
احيان اقول البحر في صحبته ميله
ماقلت لي يابحر وش بينك وبيني
ياشين فرقى الحبيب وقلة الحيلة
حتى البحر يوم جيته طاح من عيني